සතියේ ලග්න පලාපල
ජූනි 22 සිට 28 දක්වා
මේෂ ලග්නය
අළුත් මිත්‍රයන් ආශ්‍රයට ලැබේ .
කරගෙන ආ වැඩපිළිවෙලක් සම්පූර්ණයෙන්ම වෙනස් කරගෙන නව දේවල් වලට යොමුවේ.ධනය – ආර්ථික වාසි අත්වුවත් ඉතිරියක් ගැන සිතීම තරමක් දුෂ්කර සහිතයි.වියදම් ඉහල යයි.
රැකියාව -කරදරකාරී ගති ඇතිවිය හැකිය .ඉක්මන් ස්වභාවයන් පාලනය කර ගන්න.තම ගෞරවය ගැන වැඩි දුරටත් සැලකිලිමත් වන්න.
අධ්‍යාපනය -අධ්‍යාපන කටයුතු සඳහා යහපත්ය.පොත පත කෙරෙහි තිබූ ඇල්ම උනන්දුව වැඩි වන බවක් පෙන්වයි.තරඟකාරී කටයුතු වලින් වාසි අත්වේ.
යුග සැපත – .තීන්දු තීරණ ගැනීමේ දී කතාබහ පිළිබඳව සැළකිලිමත් වන්න.බහින් බස් වීම් දුර දිග යා හැකියි.මංගල යෝජනා ආදියට සුබයි.
සෞඛ්‍ය – යහපත් සෞඛ්‍ය තත්වයක් ඇතිවන මුත් ආහාර අජීර්ණ රෝග ඇතිවිය හැකිය.
ජය අංකය -09
සුබ දිනය – බදාදා
වෘෂභ ලග්නය
බුද්ධිමත් තීන්දු තීරණ ගනියි.
අළුත් දේවල් කිරීමට පෙළඹෙන අතර දුර ගමන් බිමන් ඇතිවේ.අවිවේකී බව වැඩි කරවයි.ධනය – ගණුදෙනු වලදී ප්‍රවේශම් විය යුතුයි.අතරමැදියන්ට අසුවිය හැකියි.රාජ්‍ය අංශයන්ට සම්බන්ධ අයත් කල්පනාකාරී වන්න.
රැකියාව -වචන භාවිතයේ දී ප්‍රවේශම් වන්න.මිත්‍ර සබදතා තුලින් වාසි සහගත බවක් ලැබේ.රැකියා ස්ථානයේ වැඩ කටයුතු වලදී අන් අයගේ සහය ලැබෙන නමුත් වචනය ප්‍රවේශම් කරගන්න.
අධ්‍යාපනය -අධ්‍යාපන කටයුතු සඳහා යහපත්ය.සතිය මුලදී බාධා අවහිර ඇති වුවත් ඒවා උත්සාහය තුලින් යටපත් කර ගත හැකිවනු ඇත.
යුග සැපත – ඉක්මන් තීරණ ගනී.නිරන්තරයෙන්ම එවැනි තීරණ නිසා අවාසිසහගත බවක් ඇතිවිය හැකි වන අතර ඉවසිලිවන්තව කටයුතු කරන්න.දරුවන් සම්බන්ධයෙන් යහපත්ය.
සෞඛ්‍ය – හිසේ රදය හා මානසික ආතති තත්වයන් ඇතිවිය හැකිය.
ජය අංකය -06
සුබ දිනය – අඟහරුවාදා
මිථුන ලග්නය
බලාපොරොත්තු රැසක් ඉටුවේ.
ධනය – ලැබීම් වලට යහපත්ය. අතර මුල් දින කිහිපය තුළ මුදල් සම්බන්ධයෙන් තීන්දු තීරණ ගැනීම සඳහා යහපත්ය.
රැකියාව – කතා බහ කිරීමේදී වචනය පිළිබඳව තවදුරටත් වගබලා ගන්න.හිත් අමනාපකම් ඇතිවීමට මෙන්ම ඒවා දුර දිග යාමට වුවද හැකිවේවි.
අධ්‍යාපනය – අධ්‍යාපනයට සුබයි. විභාග ආදියෙන් ජය ගත හැකිවෙයි.අතපසුවීම් ඇතිවිය හැකි බැවින් කල්පනාකාරී වන්න.
යුග සැපත – ඥාතීන් හා හොඳ හිත ඇතිවන අතර යුග සපත හා අවිවාහකයින්ට පෙම් පැතුම් සපල කරගත හැකිවේ.දරුවන් නිසා සතුටු විය හැකි වටපිටාවක් ඇතිවන අතර අඹු සැමි සබදතා ද වැඩි දියුණු වේ.
සෞඛ්‍ය – නීරෝගී බවක් ඇති කරවන නමුදු සති අග මානසිකව සිතීමට වන කරුණු ගෙනදේ.
ජය අංකය -03
සුබ දිනය – සිකුරාදා
කටක ලග්නය
අන්‍යන්ගේ සහයෝගය හිමිවේ.
සතුරු කරදරයන් හා බාධාවන් මැඩ පවත්වා ගත හැකි කාලයකි.මිතුරු ඇසුර වැඩිවේ.ධනය -ව්යදම් අධික වීම නිරන්තරව දක්නට ලැබේ.මිතුරන් හා හිතවතුන් වෙනුවෙන් වියදමට පෙළඹේ.
රැකියාව – සතියේ මුල් දින කිහිපය රැකියා සඳහා බාධා කරවන අතර නීතිමය ගැටළු ආදිය පෙන්නුම් කරවයි.වෙනස්කම් රාශියකට සැරසෙයි
අධ්‍යාපනය -නායකත්වය ගෙන කටයුතු කරයි .අතපසුවීම් සහිතයි.සතිය මුල විශේෂයි.සති අග වන විට එකී තත්වය මග හැරෙයි.
යුග සැපත – තරමක් කේන්ති සහගත අවස්ථා ඇතිවිය හැකිය.ඉක්මන් තීරණ හා ක්ෂණික කෝපය පාලනය කරගත යුතුය.දරුවන් සම්බන්ධ යහපත් තොරතුරු අසන්නට ලැබේ.
සෞඛ්‍ය – ඇස් අමාරු, කකුල් අමාරු ඇත්නම් ප්‍රවේශම් වන්න.
ජය අංකය -01
සුබ දිනය – සඳුදා
සිංහ ලග්නය
අළුත් දේවල් කීපයකට අත ගසයි.
ධනය – වැයපස ඉහල යයි.ණය තුරුස් වීමටද සිදුවිය හැකියි.තවදුරටත් වියදම් සීමා කරන්න.සතිය මුලදී විශේෂයි.
රැකියාව – රැකියා ස්ථානයද කාර්යබහුල බවක් පෙන්වන අතර මානසික වශයෙන් ව්‍යාකුල තත්වයන් ඇතිවිය හැකිය.වැඩ අධික වීම එයට හේතුවිය හැකිය.
අධ්‍යාපනය -මිශ්‍ර පල ඇතිවන අතර උනන්දුව අඩුවී යා හැකි බැවින් ඒ පිළිබඳ සැලකිලිමත් වන්න.සති අග යහපත් වේ.
යුග සැපත – අඹු සැමියන් අතර සුළු මතභේද ඇතිවිය හැකිය.දරුවන් වෙනුවෙන් වැඩි කාලයක් ගත කිරීමට සිදුවනු ඇත.අසල්වාසීන් වෙනුවෙන් උපකාර වීමට අවස්ථා යෙදෙනු ඇත.
සෞඛ්‍ය – යහපත් සෞඛ්‍ය තත්වයක් ඇතිවේ.සෙම් රෝග ඇති අය තරමක් ප්‍රවේශම් වන්න
ජය අංකය -03
සුබ දිනය – සඳුදා
කන්‍යා ලග්නය
කලක සිට පැවති නීති ප්‍රශ්ණයක් ඉවත්වී යන සතියකි.
ධනය – වෙළඳ ව්‍යාපාර කටයුතු වලට යහපත්ය.තැන්පත් ධනය වැය වීමට කරුණු ගෙන දේ.
රැකියාව – රැකී රක්ෂාවන් සඳහා හිතවතුන්ගේ උපකාර හිමිවේ.මානසික සුවය ඇතිවේ.රැකියාවේ උසස්වීම් බලාපොරොත්තු වන්නන්ට සුබදායක කාලයකි.
අධ්‍යාපනය – තම දක්ෂතා එලි දැක්විය හැකි කාලයකි.එක් අරමුණක පිහිටා කටයුතු කළ හැකිවුවහොත් වඩාත් යහපත් තත්වයන් ඇතිවිය හැකිය.
යුග සැපත – මිත්‍ර සබදතා පෙම් සබදතා ලෙස වැඩි දියුණු වේ.විවිධ පාර්ශ්වයන්ගෙන් උදව් උපකාර ලැබේ. උත්සව අවස්ථා සඳහා සහභාගී විය හැකිය.අඹු සැමියන්ගේ හිත හොඳ වැඩි දියුණු වේ.දරුවන් වෙනුවෙන් වැය පස අධික වේ
සෞඛ්‍ය – ඌෂ්ණාධික හා කැස්ස සෙම් අමාරු තත්වයන් තවදුරටත් ඇති කරවයි..
ජය අංකය -03
සුබ දිනය – බ්‍රහස්පතින්දා
තුලා ලග්නය
සමාජීය හා ආගමික කටයුතු වලට වැඩි නැඹුරුවක්.
ධනය – ආර්ථිකය සම්බන්ධයෙන් යහපත්ය.විදේශ කටයුතු ඇතුළු ව්‍යාපාර වල නිරත වන්නන්ට ධන වාසි අත්වේ.
රැකියාව – නව රැකියා සඳහා අවස්ථා හිමිවීමේ වාසනාව පවතින අතර හිත මිතුරන්ගේ සහය නිරන්තරව හිමිවේ.
අධ්‍යාපනය -අධ්‍යාපනය සම්බන්ධයෙන් වෙනදා පැවති උනන්දුව තරමක් අඩුවිය හැකි අතර සති අග වන විට පොත පත කෙරෙහි උනන්දුව වැඩි වී යයි.
යුග සැපත -ගේදොර සුබදායී වටපිටාවක් සැකසීමට යහපත් පරිසරයක් නිර්මාණය වන අතර ගමන් බිමන් අධික වේ.දරුවන් හා සම්බන්ධ කටයුතු වල උනන්දුව වැඩි වේ.
සෞඛ්‍ය – සෙම් රෝග හා වාත අමාරු ඇති අය ප්‍රවේශම් වන්න.
ජය අංකය -04
සුබ දිනය – සිකුරාදා
වෘශ්චික ලග්නය
වඩාත් බුද්ධිමත් විය යුතුයි.
ධනය – ලැබීම් වලට යහපත්ය.නමුත් වියදම් අධික වීම සිදුවන අතර මුල් දින කිහිපය තුළ ණය දීමෙන් වැළකී සිටීම යහපත්ය.
රැකියාව – කතා බහ කිරීමේදී වචනය පිළිබඳව වගබලා ගන්න.තම මිතුරන් හා ප්‍රශ්ණ හා අමනාපකම් ඇතිවීමට ඉඩ ඇති බැවින් ඒ පිළිබඳ ප්‍රවේශම් වන්න.
අධ්‍යාපනය – අධ්‍යාපනයට සුබයි. විභාග ආදියෙන් ජය ගත හැකිවෙයි.අතපසුවීම් ඇතිවිය හැකි බැවින් කල්පනාකාරී වන්න.
යුග සැපත – සතියේ මුල් දින කිහිපය සිත් අමනාපකම් ඇතිවිය හැකි අතර දරුවන් සම්බන්ධව යහපත් දේ අසන්නට ලැබේ.තනි තීරණ නොගෙන අන් අයට ඇහුම් කන් දීමට වගබලා ගන්න.
සෞඛ්‍ය – නීරෝගී බවක් ඇති කරවන නමුදු පාද අමාරු ඇති විය හැකිය.
ජය අංකය -03
සුබ දිනය – සිකුරාදා
ධනු ලග්නය
මූල්‍යමය වාසි අත්වේ.
ධනය – වැය පක්ෂය ඉහල යන අතර ඉතිරිකිරීමේ හැකියාව අවම වේ.
රැකියාව – සංචාරක කර්මාන්ත්‍රයේ රැකියාවන්ට සුබයි.ලිපි ලේඛන කටයුතු වල නිරත වන අය ප්‍රවේශම් වන්න.
අධ්‍යාපනය -අධ්‍යාපන කටයුතු සඳහා යහපත්ය.විභාග ජය හිමිවෙනු ඇත.
යුග සැපත – .නිවාස තුළ සතුට සාමය හා ප්‍රීතිය ඇති කරවන කාලයකි.අඹු සැමියන් අතර සුළු මත ගැටුම් ඇතිවිය හැකිය.
සෞඛ්‍ය – යහපත් සෞඛ්‍ය තත්වයක් ඇතිවන මුත් සතිය අග වන විට සෙම් රෝග ඇතිවිය හැකිය.පීනස ඇති අය ප්‍රවේශම් වන්න.
ජය අංකය -07
සුබ දිනය – බදාදා
මකර ලග්නය
අළුත් සැලසුම් සාර්ථක වේ.
සතිය ආරම්භයේ යම් යම් ගැටළුකාරී තත්වයන් ඇතිවිය හැකි නමුත් දැඩි ආත්ම විශ්වාසයකින් කටයුතු කරයි.සතියේ මුල්දින කිහිපය විශේෂයි.ධනය -ණය තුරුස් විය හැකිය.වැය පස තවදුරටත් ඉහළ යයි.සති අග වනවිට මේ තත්වය තරමක් දුරට සමනය වීමක් දක්නට ලැබේ.ලොතරැයි දිනුම් ආදිය තිබේ.
රැකියාව -බාහිර පුද්ගලයින්ගෙන් කරදර බාධක ඇතිවිය හැකිය.රැකියා ස්ථානයේ හිතවතුන් පිළිබඳව දැඩි සැලකිලිමත් බවක් දක්වන්න.මිතුරන් සැබෑ ලෙසම හිතවත්දැයි යන්න සෙවිය යුතු කාලයකි.
අධ්‍යාපනය -විවධ අංශයන් ඔස්සේ අළුත් දේ ඉගෙන ගැනීමට අවස්තාව උදා වුවද අලස කම් ඇතිවේ.
යුග සැපත -.අඹු සැමියන් අතර මතභේද ඇතිවිය හැකි අතර ප්‍රේම සබදතා හා මංගල යෝජනා වලට බාධා අවහිර ඇතිවන තත්වයක් පෙන්වයි.සති අග වනවිට අවම විය හැකිය.
සෞඛ්‍ය – .සෙම් අමාරු උදරාබාධ පිලිබඳ තවදුරටත් සැලකිලිමත්වන්න.
ජය අංකය -08
සුබ දිනය – සෙනසුරාදා
කුම්භ ලග්නය
ධන ලාභ සහිතයි.
ධනය – වැය පක්ෂය ඉහල යන අතර අතේ මුදල් රැඳීම ද අඩුය.ඉතිරිකරගත් ධනය ද වැය වන සැටියක් පෙන්වයි.
රැකියාව – අලස ගති මතුව කරගෙන යන කටයුතු අතපසුවීමක් පෙන්වනු ලබයි.සතිය අග වන විට ඒ තත්වය මග හැරී යනු ඇත.
අධ්‍යාපනය -මධ්‍යස්ථ ප්‍රතිපල හිමිවේ.විද්‍යා හා තාක්ෂණික අංශයන් වලට යහපත්ය.
යුග සැපත -.දරුවන් සම්බන්ධ කටයුතු කෙරෙහි වැඩි කාලයක් යොමු කිරීමට සිදුවේ.නිසි වෙලාවට අවශ්‍ය වැඩ කටයුතු කර ගැනීමට බාධා ඇතිවිය හැකිය.හිත මිත්‍රාදීන් හා ඥාතීන් හා කතාබහේදී ප්‍රවේශම් වන්න.
සෞඛ්‍ය – සෙම් රෝග තත්වයන් තවදුරටත් ඇති කරවයි.සුළු අසනීප හැරුණු කොට සෞඛ්‍ය තත්වය යහපත්ය.
ජය අංකය -08
සුබ දිනය – සෙනසුරාදා
මීන ලග්නය
මූල්‍යමය වාසි අත්වේ.
උගතුන්ගේ හා හිතවතුන්ගේ උදව් උපකාර නිරන්තරව හිමිවේ.තම සිතැඟි අනුව වැඩකටයුතු සාර්ථක කරගත හැකි වටපිටාවක් නිර්මාණය වේ.හිත්වක්කර තීරණ ගනී.
ධනය -ආදායම් තත්වය යහපත්ය.තැන්පත් ධනය සති අගදී වැය වීමකට ඉඩකඩ වැඩිය.
රැකියාව – .ගමන් වැඩි වශයෙන් යෙදෙන අතර ලියකියවිලි සම්බන්ධයෙන් අවහිරතා හා බාධක ඇතිවිය හැකිය.
අධ්‍යාපනය -මුල් දින කිහිපයේ බාධා අවහිරතා ඇතිවේ.සති අග වනවිට එම තත්වයන් අවම වේ.නව දේවල් ඉගෙනුමට සමත්ය.
යුග සැපත – .අඹු සැමි සෙනෙහස වැඩි දියුණු විය හැකිය.සතියේ මුල් දිනයන්හි දරුවන්ගේ කටයුතු වලට මැදිහත් වීමට සිදුවේ.
සෞඛ්‍ය – පැවති රෝගාබාධ යහපත් අතට හැරේ.යහපත් සෞඛ්‍යමය තත්වයක් ඇතිවේ.ආහාර අජීර්ණ තත්වයන් පිළිබඳව සති අග විමසිලිමත් වන්න.
ජය අංකය -01
සුබ දිනය – ඉරිදා
0 අදහස් දැක්වීම්:
Post a Comment